२०८० श्रावण ३०, मंगलवार १४:४२
मिडियाखबर
![](https://i0.wp.com/www.mediakhavar.com/wp-content/uploads/2023/07/gold.jpg?fit=795%2C398&ssl=1)
त्रिभुवन अन्तर्राष्ट्रिय विमानस्थलबाट बरामद गरिएको अवैध सुन तस्करी प्रकरणमा थप ३ जना पक्राउ परेका छन्।
प्रहरीको केन्द्रीय अनुसन्धान ब्युरो (सिआइबी)ले चिनियाँ नागरिकहरुलाई पक्राउ गरेको हो।
पक्राउ पर्नेमा २ जना पुरुष र १ जना महिला रहेको प्रहरी स्रोतले बताएको छ।
स्रोतका अनुसार उनीहरूको साथबाट नगद ३१ लाख नेपाली रुपैयाँसमेत बरामद भएको छ।
त्रिभुवन अन्तर्राष्ट्रिय विमानस्थलको भन्सार कार्यालयबाट जाँचपास भइसकेको अवस्थामा साउन २ गते राजस्व अनुसन्धान विभागले ब्रेक सुसहित ठूलो मात्रामा सुन बरामद गरेको थियो।
जसको अनुसन्धान जारी रहेकोले यही प्रकरणमा थप ३ जना चिनियाँ नागरिक पक्राउ परेका हुन्।
फेसबुकबाट तपाईको प्रतिक्रिया