२०८० आश्विन २४, बुधबार १२:००
मिडियाखबर
राजस्व अनुसन्धान कार्यालय इटहरीबाट खटिएको टोलीलाई सिराहाको मिर्चैयामा स्थानीयले ढुङ्गामुढा गरेका छन् ।
अनुसन्धानका नाममा व्यापारीलाई पटक-पटक दुःख दिएको भन्दै एउटा व्यापारीको गोदाममा गएको टोलीमाथि मङ्गलवार ढुङ्गामुढा भएको हो ।
स्थितिलाई नियन्त्रणमा लिएर प्रहरीले सुरक्षा दिँदै टोलीलाई मिर्चैयाबाट पठाएको सिराहाका प्रमुख जिल्ला अधिकारी राजेन्द्रदेव पाण्डेले जानकारी दिए ।
राजस्व अनुसन्धान कार्यालयको टोलीले गरिरहेको अनुसन्धानको विरोध गर्दै स्थानीय बासिन्दाले पूर्वपश्चिम राजमार्गमा सिराहा-मिर्चैया खण्ड मङ्गलवार दिउँसो आवागमन अवरुद्ध गरेको प्रमुख जिल्ला अधिकारी पाण्डेले बताए ।
फेसबुकबाट तपाईको प्रतिक्रिया